最新消息

【#ProductDesign Entrepreneurship 101】#knitwarmhk 及 #unsuikyo 打造有溫度嘅人性化品牌

上一節我哋分享咗有關內容營銷 (Content Marketing) 嘅要點，相信對於剛起步而又缺乏龐大資源來策劃品牌行銷嘅design entrepreneur會有一定嘅幫助。當你唔再專注喺「推銷」，反而更著重喺品牌嘅「內容」時，唔單止可重新建立同維持既有消費者嘅關係，同時亦默默向未來嘅目標消費者招手，而 #DIP 嘅兩間設計公司 KnitWarm  及 UNSUIKYO 就係成功運用內容營銷以推廣產品及鞏固品牌形象嘅例子。

KnitWarm 喺疫情爆發初期着手喺現有嘅織暖口罩嘅基礎上改良，研發出銀離子抗菌可重用口罩，為咗改善用家帶即棄口罩時產生嘅面部敏感問題，更貼心加入膠原蛋白嘅環保纖維，抗菌之餘亦起親膚、貼面舒適作用。而喺外形設計方面，KnitWarm 表示「港人戴口罩已經超過半年，希望我們設計嘅口罩可以為沉悶嘅生活加點色彩。」而推出客製化服務，顧客可以訂製撞色款以及施華洛世奇水晶做裝飾的十二星座款，從企業嘅角度於這個困難時期為港人注入正能量。

而 Unsuikyo 喺疫情期間亦改變咗營銷策略，出售「防霧眼鏡布」及贈送萬用摺盒架，解決用家因口罩離面而致眼鏡起霧及收納防疫用品的問題，呢啲貼心嘅舉動不但能夠吸納更多新顧客對品牌建立好感，亦有助穩定公司業務。另外，Unsuikyo 喺社交媒體上作內容行銷時亦別有心思，大膽為品牌注入幽默個性，以平易近人嘅字眼推廣產品特性，與消費者拉近距離。

Photo credit: KnitWarm, Unsuikyo, Nanotech

了解更多：

《創辦人堅持本地生產 力保員工飯碗》: http://paper.wenweipo.com/2020/08/07/RW2008070001.htm

《香港初創故事：設計師搖身變成創業家》: https://bit.ly/3x0IlMH